Diweddaru a Chreu eich Gwefan ar Cobwebs Ar-lein

Cam 2:

Amodau a Thelerau
Darllenwch yr amodau a thelerau canlynol cyn i chi fynd dim pellach.
Yr hyn y gall y Cyngor ei gynnig:
Os ydych yn fudiad nad yw'n gwneud elw sydd wedi'i leoli ym Mhen-y-bont ar Ogwr, gellir creu eich tudalennau gwe trwy ddefnyddio system Cobwebs Ar Lein sy'n cael ei reoli gan Gyngor Bwrdeistref Sirol Pen-y-bont ar Ogwr fel rhan o'i amrediad o wasanaethau i gynnal datblygiad economaidd a chymdeithasol y sir, neu fel rhan o'i raglenni i hyrwyddo a datblygu ymwybyddiaeth am dechnolegau cyfathrebu a gwybodaeth.


Gellir storio tudalennau gwe ar weinyddwr gwe y Cyngor heb dâl a chreu tudalen we gan ddefnyddio'r templed gwefan priodol fel a gaiff ei gyflenwi gan y Cyngor.

Bydd URLau yn cael eu creu fel is-barthau ar y www.cobwebs.uk.net . Byddwn yn cynnig dewis o enwau is-barthau i chi o fewn cyfyngiadau penodol.

Byddwn yn cynnal mynegai ar gyfer eich safle drwy fynegai o wybodaeth am gwe safle Gyngor Bwrdeistref Sirol Pen-y-bont ar Ogwr a thrwy dudalen flaen Cobwebs Ar Lein.

Nid bwriad y cyfleuster hwn yw cystadlu gyda chyflenwyr gwasanaeth rhyngrwyd (CGRh) masnachol ac mae'r Cyngor yn cynghori  y dylai mudiadau sydd angen lefel o wasanaeth masnachol wneud trefniadau gyda CGRh  sy'n medru darparu'r gwasanaeth rydych ei angen.

Beth sy'n rhaid i chi wneud:
I geisio, mae'n rhaid i chi lenwi'r ffurflen gais yn llawn  ar www.cobwebs.uk.net a  chytuno i amodau a thelerau'r Cyngor fel a ddynodir yn y ddogfen hon.

Mae'n rhaid i chi gytuno i gadw'r wybodaeth ddiweddaraf ar eich tudalennau gwe  a gwneud yn siwr eu bod yn gywir. Os na fydd eich tudalennau gwe wedi cael eu diweddaru am chwe mis, byddant yn cael eu symud oddi yno wedi derbyn rhybudd drwy'r e-bost.

Cynghorir chwi i wneud yn siwr bod eich tudalennau yn cydymffurfio gydag unrhyw ofynion cyfreithiol megis deddfwriaeth Gwarchod Data neu ddeddfwriaeth yr Iaith Gymraeg.

Bydd pob tudalen sydd wedi'i chreu a'i chynnal gan Cobwebs Ar Lein yn dal troedyn awtomatig yn cynnwys cyswllt i noddwyr y prosiect, ar gyfer y Cyngor a'r ymataliwr.

Dylech enwebu unigolyn yn eich mudiad sydd â'r cyfrifoldeb pennaf am y wybodaeth ar eich  gwefan a chynnwys yr enw hwnnw  a'r manylion ynglyn â sut i gysylltu ag ef neu hi ar y ffurflen gais. Bydd y wybodaeth hon yn cael ei harddangos yn awtomatig ar y gwefan a luniwyd.

Dylech wneud yn siwr eich bod yn cadw copïau eich hunan o gynnwys a delweddau eich tudalen we er mwyn gwarchod yn erbyn eu colli o ganlyniad i'r gweinyddydd gwe yn methu. Ni fyddwn yn gwneud copïau wrth gefn o gynnwys y dudalen we a ddarparwyd i ni.


Amodau a Thelerau:
Mae'r Cyngor yn cadw'r hawl i wrthod y defnydd o Cobwebs Ar Lein neu os oes angen symud unrhyw dudalennau gwe sy'n cynnwys deunydd anweddus, gwrthun, enllibus neu unrhyw ddeunydd annerbyniol arall, neu unrhyw ddeunydd sy'n ymwneud â hapchwarae neu gynnal unrhyw weithgaredd anghyfreithlon.

Mae'r Cyngor hefyd yn cadw'r hawl i symud tudalennau gwe a gredwn sy'n cynnwys gwybodaeth anghywir neu hen wybodaeth, er y byddwn yn rhoi rhybudd i chi (trwy e-bost) o'n bwriad i wneud hyn ac yn rhoi cyfle i chi wneud unrhyw waith atgyweirio angenrheidiol o fewn cyfnod rhesymol o amser.

Nid yw'r Cyngor yn gwneud ymrwymiad ynglyn â pha mor ddibynadwy yw'r gwasanaeth na natur y gwasanaeth a ddarperir, nac yn gwneud ymrwymiad am yr amser a gymerir i adfer gwasanaeth wedi iddo fethu.

Nid yw'r Cyngor yn gwneud ymrwymiad ynglyn â pha mor ddibynadwy yw'r bobl sy'n gosod y tudalennau ar y we na'u harbenigedd nad yn gwneud ymrwymiad am yr amserlenni ar gyfer diweddaru neu wneud newidiadau i'r safle wedi derbyn cynnwys newydd.

Ni fyddwch yn medru gwerthu unrhyw  ran o'ch lle ar y we a ddarperir o dan y cynllun hwn i bartïon eraill, naill ai yn uniongyrchol neu fel rhan o becyn mewn perthynas â gwasanaethau eraill a gynigir gan eich mudiad.

Mae'n rhaid i chi gadw unrhyw enw cyfrif neu gyfrineiriau a ddarperir i chwi yn ddiogel.

Mae'n rhaid i chi gytuno i ddigolledu Cyngor Bwrdeistref Sirol Pen-y-bont ar Ogwr yn erbyn unrhyw hawliad neu weithredoedd a gymerir o ganlyniad i'r ffaith bod unrhyw un o'ch tudalennau gwe naill ai yn anghywir neu gamarweiniol neu am unrhyw reswm arall. Dylech fod yn ymwybodol fod y Cyngor yn gwneud yr ymwadiad canlynol mewn perthynas â'r holl wybodaeth a gynhelir ar barth cobwebs.uk.net.

Nid yw Cyngor Bwrdeistref Sirol Pen-y-bont ar Ogwr yn gwneud unrhyw fath o  gynrychiolaethau neu warantiadau mewn perthynas ag ansawdd, diogelwch neu addasrwydd cynnwys y tudalennau neu wefannau, boed yn ffurfiol neu wedi'i awgrymu, gan gynnwys unrhyw warantiadau wedi eu hawgrymu heb gyfyngiadau am werth ac addasrwydd ar gyfer pwrpas penodol neu beidio â throseddu. Yn ogystal, nid yw Cyngor Bwrdeistref Sirol Pen-y-bont ar Ogwr yn gwneud unrhyw gynrychiolaethau neu warantiadau mewn perthynas â gwirionedd, cywirdeb neu ba mor gyflawn yw unrhyw ddatganiadau, gwybodaeth neu ddeunyddiau yn ymwneud â thudalennau gwe sy'n cael eu cynnwys ar y safleoedd Rhyngrwyd. Ni fydd Cyngor Bwrdeistref Sirol Pen-y-bont ar Ogwr yn atebol ar unrhyw achlysur am unrhyw niweidiau anuniongyrchol, cosbol, arbennig, damweiniol neu ganlyniadol pa bynnag ffordd y byddant yn codi a hyd yn oed os bydd Cyngor Bwrdeistref Sirol Pen-y-bont ar Ogwr wedi cael ei gynghori am bosibilrwydd difrod o'r fath. Os bydd unrhyw ran o'r ymwadiad hwn yn cael ei ystyried yn annilys neu'n anorfodadwy o dan unrhyw sefyllfa benodol, bydd grym yr ymwadiad dal yn gymwys  a bydd yr ymwadiad  yn cael ei fwriadu i fod yn gymwys mewn sefyllfaoedd eraill.
Rwy'n cytuno Rwy'n anghytuno